2010年10月16日至23日，一連8天的台中，清境，嘉義，阿里山，台南，高雄！我地來啦！
事前準備工作：
我地因為唔想走回頭路，所以是香港直飛台中 "清泉崗機場"，但走人就由高雄飛！又可以省時，但錢就未必慳到。因為這樣不同港口出入，機票價錢就比正常的 $1,500 貴了 $300，每人約 $1,800 連稅！仲貴過坐一程回頭高鐵去台中。
但又慳番唔洗坐高鐵由高雄回台中，並且可以多半天時間在高雄呀嗎，仲有就係高雄回港班機選擇多 d！同埋走個日都唔洗咁趕呀。
我地係幫襯 華信航空 + 中華航空，班機時間都唔錯，香港飛 10:10，高雄走 @19:00
Book 民宿 及 book 的士：
台灣民宿咁有名，出名平靚正！當然要住下啦。我地會部都係上網自己搵既，多數要經 paypal 先付 50% deposit。但有d 就唔洗，有d 就要付晒全數先，大家要留意下啊！
至於 book 車，因為我地一行4 人，上清境農場包的士上都幾化算，又可以多d時間玩。可以 email 民宿叫佢介紹下就得，或者有朋友之前去過有相熟仲好。
其實自由行，真係要做好多事前工作，但呢 d 咪係樂趣蘿，去玩 8 日，但事前工作做足 3 個月，即係可以興奮開心 3 個月零 8 日，係咪好抵玩呢 ^__^"
